भाव स्पंदने

चिरंतन असावी एक आस जीवनी

व्हावी तव चरणी, पावन ही धरणी

कर माझे जोडावे, अन भाव लोचनी

निराकार तू तर जगण्याची संजीवनी

***

ती मायेची सावली

करुणेची सरिता

उतराई  जग सारे

अशी शक्तीची देवता

***

सुख गोंजारून यावे

निळ्या आभाळाची झोळी

कणाकणात भरलेली

जशी मायेची सावली

***

शब्दांचा तू जादूगार

कवितेतून मांडतो जीवनाचे सार

अव्यक्त भावनांना गुंफणारा

कवितेतला तू किमयागार

***

वाळू किनाऱ्यावरची असते ना 

शिंपल्याना लाटांपासून सांभाळणारी

मौल्यवान मोती तेव्हाच होतात जेव्हा

मैत्री असते वेगवेगळ्या शिंपल्याना जोडणारी...

***