चारोळी चारोळ्या

नववर्षाच्या वाटेवरती  स्वप्न साजिरे सजताना  नव्या प्रवासा निघतो आपण  मागे ठेवून पाऊल खुणा - जुई ✍🏻 ✨(2025)✨ एक खिडकीचा आडोसा घेतला स्वप्नाचा कानोसा टपोऱ्या डोळ्यात तिच्या दाटला मायेचा  कवडसा - ©®जुई विजलेल्या या आकाशी अंधार देतसे ग्वाही त्याच्या ही वाटेवरती बघ फुलले आहे काही  - जुई   घर, कौलारू स्वप्नांचे हिरव्या सावलीत लपलेले  ढग, डोंगर, सूर्य नी पक्षी चित्रा मध्ये दिसलेले  - जुई  नवी पाऊले टाकत आले असे एक नवे काही   बाळाच्या येण्याने आईचे घर सारे आनंदून जाई - जुई  एवढ्या दूर आले पण गाठीला बालपणीचा ठेवा  तिथली एक गोड आठवण नेते परीकथेतील गावा  - जुई  अबोल आपल्या नात्यात बोलके डोळे पुरेसे तुझी सोबत असताना पायवाट ही सुंदर भासे - जुई🌿